الشيطان يسكن بيتنا

الشيطان يسكن بيتنا ده اسم كتاب للدكتور مصطفي محمود

علي فكره التدوينه مالهاش علاقه بكتاب الدكتور مصطفي محمود الرابط الوحيد اللي بينهم الاسم

كلنا بنسال عن دور الشيطان وايه اللي بيعملها في حياتنا ودايمابنستعيذ بالله من الشيطان الرجيم من باب الاحتياط لكن الشيطان اللي بتكلم عنه لازم نستعيذ بانفسنا للقضاء عليه وكتير من مثقفين الايام دي بتحاربه وبتحاول تقضي عليه وبصراحه في ناس شغال علي القضاء عليه بس لسه لحد دلوقتي مقدرناش نتخلص منه ده حتي النظام السابق نظام الرئيس المخلوع حلوه كلمه الرئيس المخلوع دي انا عارف انها هتعجبكم حتي نظام الرئيس المخلوع كان كل شويه يطلع بطلعته البهيه ويقولنا معا للقضاء علي الشيطان بالرغم من اننا لو تمكن من القضاء علي الشيطان اللي بتكلم عنه مكنش يبقي في نظام فاسد طبعا انتم زهقتوا مني وعايزين تعرفوا ايه الشيطان ده الشيطان هو يامثقفين ياولاد المثقفين ( الجهل ) الجهل مش الاميه خلي بالك يابيه خلي بالك ياهانم جهل الثقافه الاجتماعيه والثقافه الدينيه والثقافه السياسيه الثقافه يامثقفين الثقافه ياوزير الصفاقه الثقافه اللي كل اللي انجزه وزير الصفاقه الاسبق شويه مباني وبوتيكات ولجان لاهدار المال العام ونسي الانسان محدود الثقافه انا بصراحه مش عارف هو نسي ولا سهي عليه.

العلم في الراس مش في الكراس ياولاد الفرطوس وجعتوا دماغنا بالكلام علي تويتر وفي الفيس توك ونسيتوا ان اغلب الشعب مسمعش عن الفيس توك وتويتر الا بعد الثوره فين الدور اللي بتقوموا بيه اذا كنتم بتكلموا نفسكم كل واحد منكم معجب بنفسه وبافكاره وارءوة كل واحد منكم لمم شويه حوليه وقاعد لكلك لكلك معاهم وقاعدين تتكلموا مع بعض وناسين دوركم الاساسي لو انتم بالفعل مثقفين مصر قوموا بدوركم دوركم الواجب عليكم في الوقت الحالي دوركم في التوعيه ياساتذه التوعيه ثم التوعيه ان عارف ان ده مش موضوع سهل خصوصا انكم هتلاقوا افكار غريبه عند الناس طبعا لان الشعب المصري المعروف بالفهلوه مش بيقتنع بسهوله الانسان المصري الوحيد الذي لا يؤمن بالمسلمه ولا البديهيه الانسان المصري الوحيد اللي دهن الهواء دوكو ازي ياساتذه تقنعه ،انا عارف ان في ناس منكم بتنزل الشارع وتسمع الناس وفي ناس تانيه بتنزل تسمع كلمتين من انسان محدود الثقافه وتقعد تتريق عليه علي تويتر وعلي الفيس بوك انا عارف ان في ناس منكم هتريق علي كلامي بس عادي الحياه حلوه .

انتم فين وبتعملوا ايه اللي ما شفت واحد منكم قام وهز طوله وقال انا هنزل اتكلم مع المنبوذين في الارض مع محدودي الثقافه ياولاد المثقفين ياولاد الطبقه البراجوزيه يالاودد المدارس الخاصه والمدارس الاجنبيه انزلوا اتكلموا مع الناس اللي مش فاهمه فهموهم ايه اللي بيحصل في البلد بسطوا ليهم الامور وضحوا ليهم الصوره حلوا طلاسم المصطلحات السياسيه عارفين ايه اللي بياخركم وبياخر نجاح الثوره وبياخر مصر الشيطان اللي بتكلم عليه لم يطلع شيخ محترم ويقول ان العلمانيه كفر وان اللبيراليين كفروا بالله العلي العظيم وان الترويج للبراليه يؤدي الي بنا الي الضلال يبقي البقاء لله عليك يامصر والله يرحكم ياثوره والعزاء في ميدان التحرير .

عارفين الشيطان بيغلبكم ليه لانه ياعين امه بيضحك علي محدودي الثقافه الغلابه بكلمتين في الدين ومربي دقنه وده طبعا ليه تقدير عند الغلابه بالفكره المسبقه عند الغلابه ان اللي عنده دقن ده راجل صالح راجل بتاع ربناعلي اساس انه هو بتاع ربنا واحنا بتوع الشيطان.

الفرصه اماكم بعد ما عملتوا ثورتكم لازم تكملوها ياما تقضوا علي الشيطان ياما تربوا دقنكم حريم ورجاله تختاروا ايه؟

في كلمه كمان قبل ما اقفل الموضوع معلش مزنوق فيها ايه اقولها ولا ايه اقولها وامري لله لازم تهتموا شويه بمحدود الثقافه قبل محدود الدخل لان محدود الثقافه هيقدر ينمي دخله ويتدبر امره وسيبكم شويه من الخناقات اللي بينكم وقوموا بدوركم وكملوا ثورتكم .

>